शनि, मंसिर ६, २०८३
Sat, November 21, 2026
Shadow

लिभरपुलका मिडफिल्डर थिआगो अलकान्त्रालाई कोरोना संक्रमण

असोज १४ काठमाडौं । प्रिमियर लिग क्लब लिभरपुलका मिडफिल्डर थिआगो अलकान्त्रालाई नोबेल कोरोना भाइरस (कोभिड १९) को संक्रमण देखिएको छ ।२९ वर्षीय मिडफिल्डरलाई कोरोना भाइरसको संक्रमण पुष्टि भएपछि उनी सेल्फ आइसोलेसनमा बसेका छन् ।

यही सिजनमा जर्मन क्लब बार्यन म्युनिखबाट लिभरपुलमा अनुबन्ध भएका उनले लिभरपुलबाट डेब्यु गरिसकेका छन् । चेल्सीसँगको खेलमा टिमबाट डेब्यु गरेका उनी सब्स्टीच्युडका रुपमा मैदान प्रवेश गरेका थिए ।

कोरोना भाइरसकै कारण उनले मंगलबार भएको आर्सनलविरुद्धको प्रिमियर लिगको खेल गुमाएका थिए ।थियोगोबारे लिभरपुलले भनेको छ, ‘थियागोलाई सामान्य लक्ष्यण देखिएको छ तर स्वास्थ्य राम्रो छ र उनी निको हुँदैछन् ।’

क्लबले जारी गरेको विज्ञप्तिमा भनिएको छ, ‘क्लबले कोभिड–१९ विरुद्धका सबै किसिमका प्रोेटोकल फलो गरेको छ र थियागो आवश्यक पर्ने समयसम्मका लागि सेल्फ आइसोलेसनमा बसिसकेका छन् ।’

सोमबार मात्रै प्रिमियर लिगले पछिल्लो समय चेकजाँच गरेकामध्ये १० जना खेलाडीमा कोरोना भाइरस पुष्टि भएको बताएको थियो ।

Leave a Reply

Your email address will not be published. Required fields are marked *