काठमाडौं , असार :  ‘कार्यक्रम ब्यबस्थापन संघ’ले घरधनिसँग घरभाडा छुट मागेका छन् । कार्यक्रम व्यबस्थापन संघ (ईमान)ले एक विज्ञप्ति जारी गरी कोरोना माहामारीका कारण मनोरन्जन क्षेत्रमा लामो समय देखी विभिन्न टाईटलका सौन्दर्य प्रतियोगिता,फेशन शो, अवार्ड समारोह लगायत मनोरन्जनका साथसाथै व्यक्तित्व विकासका लागी प्रत्यक्ष रुपमा काम गर्दै आईरहेको ईभेन्टस व्यवसाय विस्थापित हुने अवस्थामा पुगेकाले घरभाडामा ५० प्रतिशत छुट गरी सहयोग गर्न आग्रह गरेको छ । ईमानले लकडाउन सुरु भएको चैत्र देखि यो असार मसान्त सम्मको घरभाडामा न्यूनतम ५० प्रतिशतसम्म वा पूर्ण छुटको लागि घरधनिलाई आग्रह गरेको हो ।

विज्ञप्तिमा भनिएको छ , अधिकांश घरधनिहरुको मुख्य आम्दानीको श्रोत घरभाडा नै रहेको यथार्थबाट हाम्रा व्यबसायीहरु पनि अनभिज्ञ छैनौं तथापी यस्तो विषम परिस्थितिमा व्यवसायीहरुलाई आत्मविश्वासका साथ व्यवसायमा टिकिरहन घरभाडामा अधिक छुट दिएर मात्र सम्भव देखिन्छ। अन्यथा यस क्षेत्रका अधिकांश व्यवसायीहरु विस्थापित भई घरहरु लामो समय सम्म खाली भई आम्दानीको बाटो नै बन्द हुने अवस्था आउन लामो समय लाग्ने देखिदैन ।
प्रेस विज्ञप्ती जारी गर्दै लकडाउनका कारण मनोरन्जन उद्योग प्रभावित बन्नुका साथै सरकारले समेत कार्यक्रम गर्न रोक लगाएकोले कारोबार ठप्प भई आय स्रोत नै बन्द भएकाले घरभाडामा पचास प्रतिशतको छुट दिनु आग्रह गरेको हो । संघले यस संकटको घडीमा घरधनीको साथ र सहयोगको अपेक्षा राख्दै भोलीका दिनमा एकसाथमा हातेमालो गर्दै जाने प्रतिवद्धता पनि व्यक्त गरेको छ । साथै संघले नेपाल सरकारलाई पनि छिटो भन्दा छिटो कार्यक्रम गर्नको लागि वातावरण निमार्ण गरि राज्यले लगाउदै आएको प्रतिबन्ध यथासक्य चाँडो फुकुवा गराउन अपिल गरेको छ । संघले सदस्य कम्पनीहरुलाई पर्न गएको असुविधालाई ध्यानमा राखी राहात प्याकेजको घोषणा गरि सहयोग गर्न समेत अनुरोध गरेको छ । साथै, सम्पूर्ण कार्यक्रम आयोजक सदस्यहरुलाई आआफ्नो घरधनीसंग समन्वय गरी आगामी दिनमा कसरी अगाडी वढ्ने भन्ने विषयमा ध्यान दिन आग्रह गरेको छ ।

२०७२ सालको महा भुकम्पवाट भर्खरै उस्किंदै गरेको यो व्यवसाय कोभिड-१९ को महामारीले झनै थला परेको र नेपाल लगायत विश्वव्यापी लकडाउन ले बन्द रहेको शैक्षिक क्षेत्र तथा सार्वजनिक यातायातबाट विभिन्न मनोरन्जनात्मक कार्यक्रम व्यवसाय पूर्णरुपमा प्रभावित भएको छ। व्यवसाय यति धेरै प्रभावित बन्न पुगेको छ कि यस व्यवसाय सामान्य अवस्थामा फर्किन लकडाउन विद्यालय,कलेज सार्वजनिक यातायात तथा सभा समारोह हल सुचारु भएको मितिले कम्तिमा १ वर्ष लाग्ने निश्चित रहेको ‘ईमान’का अध्यक्ष लब बहादुर कार्कीको भनाइ छ ।
संघले कार्यक्रम आयोजना सम्वन्धमा कुनै पनि सरकारी निर्णय नभएकाले सावधानी अपनाउदै आफु सुरक्षित भएर अगाडी बढन पनि अनुरोध गरेको छ ।

LEAVE A REPLY

Please enter your comment!
Please enter your name here